पौराणिक कथामा निर्माण हुन लागेको फिल्म 'कल्ली' मा अभिनेता सौगात मल्ल अनुबन्धित भएका छन्।
फिल्मको शीर्ष भूमिकामा उनलाई लिइएको प्रस्तुतकर्ता किरण नेपालीले बताए।
'उहाँको भूमिकाबारे अहिले धेरै नखुलाऔं। यसमा उहाँसहित चार जना अभिनेता हुनुहुनेछ,' नेपालीले भने।
रेड वर्ड प्रोडक्सन र कस्तुरी प्रोडक्सनको ब्यानरमा निर्माण हुने फिल्मलाई लक्ष्मण सुनारले लेखन तथा निर्देशन गर्दैछन्। फिल्ममा महेश दवाडीको पटकथा तथा संवाद रहनेछ।
तिहारपछि छायांकन सुरू गर्ने योजनाका साथ तयारी भइरहेको जनाइएको छ। छायांकन कर्णाली प्रदेशका विभिन्न रमणीय स्थानमा गर्ने तयारी भइरहेको निर्देशक सुनारले जानकारी दिए।
फिल्मलाई नयाँ वर्ष २०८२ को छेको पारेर चैतको २९ गते रिलिज गरिने जनाइएको छ।
1650961093.jpg)
