फिल्म रिलिज अगावै 'खुस्मा' को गीत 'रूकुम मैकोट' युट्युबमा करोड क्लबमा प्रवेश गरेको छ। तीन साताअघि सार्वजनिक गीतलाई बुधबारसम्म युट्युबमा एक करोडभन्दा बढीपटक हेरिएको हो।
एसडी योगी र शान्तिश्री परियारको स्वरमा रहेको यो गीत केही दिनदेखि युट्युब ट्रेन्डिङमा संगीत खण्डतर्फ पहिलो नम्बरमा छ। टिकटक र फेसबुक रिल्समा समेत गीत चर्चामा छ।
यसको भिडिओमा फिल्मका शीर्ष कलाकार धिरज मगर र उपासना सिंह ठकुरी फिचर्ड छन्।
गीतको शब्द सुरेन्द्र रानाका हुन्। यसको संगीत निर्माता एसडी योगी हुन् भने संगीत निर्माता रिकेश गुरूङ छन्।
अशोक थापा मगरको लेखन तथा निर्देशन रहेको फिल्म ‘खुस्मा’ भोलि (बिहीबार)देखि हलमा लाग्दैछ।
