फिल्म 'छक्कापञ्जा ५' को दोस्रो गीत बुधबार सार्वजनिक गरियो। 'ब्रेकअप सङ' नाममा सार्वजनिक गीत रमाइलो खालको छ।
ब्रेकअपपछि प्रेमिले प्रेमिकालाई पोखेको आक्रोश र गालीलाई गीतमा दर्शाइएको छ। प्रेमीकाले अर्कैसँग इन्गेजमेन्ट गरेपछिको माहोलबाट गीत सुरू हुन्छ।
भिडिओमा फिल्मका मुख्य कलाकार दीपकराज गिरी, केदार घिमिरे, दीपाश्री निरौला, वर्षा सिवाकोटीसँगै मेक्सम गौडेल, सुरवीर पण्डित र रामेश्वर केसी समेत फिचर्ड छन्।
गीतमा स्वर बाबुल गिरीले दिएका छन्। उनकै शब्द, संगीत र एरेन्जमा गीत तयार भएको हो। गम्भीर विष्टले भिडिओलाई कोरियोग्राफ गरेका हुन्।
भिडिओले युट्युबमा राम्रो भ्युज पाइरहेको छ। रिलिजको २१ घण्टामा यसलाई युट्युबमा ४ लाख ७५ हजारभन्दा बढीपटक हेरिएको छ। प्रतिक्रियाहरू सकारात्मक छन्। फिल्मको अघिल्लो गीत ‘बिहे भाको छैन’ ले पनि चर्चा पाएको थियो।
'छक्का पञ्जा' लाई दीपाश्री निरौलाले निर्देशन गरेकी हुन्। असोज २४ अर्थात दसैंको फूलपातिमा फिल्म रिलिज हुँदैछ।
