मीनबहादुर भामको निर्देशन रहेको फिल्म ‘शाम्बाला’ प्रदर्शनको दोस्रो सातामा प्रवेश गरेको छ।
भदौ २८ गते रिलिज फिल्म आजबाट दोस्रो सातामा प्रवेश गरेको हो।
यो फिल्मले कमाइ पनि सुखद् गरिरहेको छ। दर्शक र समीक्षकले फिल्मलाई राम्रो प्रतिक्रिया दिइरहेका छन्।
दोस्रो सातामा पनि फिल्मलाई हलले उत्साहजनक शो दिएका छन्। फिल्मले पहिलो साताकै अनुपातमा शो पाएको हो।
थुप्रै अन्तर्राष्ट्रिय फिल्म फेस्टिभलको यात्रापछि ‘शाम्बाला’ नेपालमा रिलिज भएको हो। यो फिल्मले अब आगामी अस्कर अवार्डमा नेपालको प्रतिनिधित्व पनि गर्नेछ।
फिल्ममा थिन्ले ल्हामो, सोनम तोप्देन, तेन्जिन दल्हा, कर्मा वाङ्ग्याल गुरूङ, कर्मा शाक्य लगायत कलाकारहरूको अभिनय छ।
