बलिउड अभिनेता कार्तिक आर्यनको यस वर्ष दुई फिल्म रिलिज हुँदैछ। पहिलो 'चन्दू च्यापियन' र दोस्रो 'भूल भूलैया ३'।
यी दुई फिल्मका कारण कार्तिक चर्चामा छन्। यसैबीच अब उनले सामाजिक सञ्जालमा एक पोस्ट गरेर खुलदुली मचाएका छन्।
उक्त पोस्टमा कार्तिक आर्यन सुपरहिरो बनेका छन्। जसलाई देखेपछि उनका फ्यानले फरक-फरक अनुमान लगाइरहेका छन्। एक सामाजिक सञ्जाल प्रयोगकर्ताले लेखेका छन्, 'कृष ४ त होइन।'
अर्का सामाजिक सञ्जाल प्रयोगकर्ताले लेखेका छन्, 'रा वान पार्ट २ आयो।' तेस्रोले लेखेका छन्, 'ब्रह्मास्त्र २, कृष ४ या शक्तिमान हो।'
कार्तिकले यस तस्बिरको बारेमा धेरै जानकारी दिएका छैनन्।
कार्तिकको आगामी फिल्म 'चन्दू च्यापियन' जून १० मा प्रदर्शन हुँदैछ भने 'भूल भूलैया ३' तिहार नजिक प्रदर्शन हुनेछ।
-1716544228.jpg)
