बलिउड अभिनेता अरशद वारसीले दक्षिण भारतीय अभिनेता प्रभासलाई लिएर दिएको बयान चर्चामा छ।
उनले 'कल्की २८९८ एडी' हेरेपछि प्रभासलाई जोकर बताएका थिए। उनको बयानलाई लिएर फिल्मका निर्देशक नाग अश्विन र अभिनेता नानीले आपत्ती जनाएका छन्। यसैबीच अरशदको एक पुरानो भिडिओ भाइरल भइरहेको छ। जसमा उनले दक्षिण भारतीय अभिनेताको बारेमा कुराकानी गरेका छन्।
भिडिओमा दक्षिण भारतीय फिल्म डब हुँदा पनि किन राम्रो कमाइ गर्दैन भनेर सोधिएको थियो। जबाफमा उनी भन्छन्, 'मेरो घरमा जति मान्छे काम गर्छन् तिनीहरूले मात्रै डब साउथ फिल्म हेर्छन्। साउथ फिल्म हाई इन्टरटेनर हुन्छन्। त्यसलाई हेर्न धेरै सोच्नु पर्दैन। तपाईहरूले हेरिरहनु भएको छ गाडि उडेको, मान्छे उडेको, यसले समय मज्जाले कट्छ, पपकर्न खानुस्, फिल्म हेर्नुस् र घर जानुस्।'
यो भिडिओ भाइरल भएपछि दक्षिण भारतीय फिल्मका दर्शकले आलोचना गरिरहेका छन्।
