दिवालीको अवसर पारेर नोभेम्बर १ मा दुई ठूला बलिउड फिल्म प्रदर्शन हुने भएका छन्।
भारतीय सञ्चारमाध्यमका अनुसार दुवै फिल्म सुपरहिट संस्करणको तेस्रो भाग हो। रोहित शेट्टी निर्देशित फिल्म 'सिंघम ३' र 'भूल भुलैया ३' एकसाथ प्रदर्शन हुन लागेका हुन्।
अनिस बज्मी निर्देशित फिल्म 'भूल भुलैया ३' एक हरर कमेडी फिल्म हो। यसको दुवै संस्करणले बक्स अफिसमा राम्रो कमाइ गरेको थियो। अब तेस्रो संस्करण प्रदर्शनको तयारीमा छ। फिल्ममा कार्तिक आर्यन, विद्या बालन, तृप्ति डिमरी, माधुरी दीक्षित, विजय राज, सञ्जय मिश्रा, राजेश शर्मा, राजपाल यादवलगायक कलाकारको अभिनय छ।
त्यस्तै रोहित शेट्टी निर्देशित फिल्म 'सिंघम अगेन' पनि सिरिजको तेस्रो संस्करण हो। यसको दुवै संस्करण सुपरहिट भएका थिए। फिल्ममा अजय देवगन, करीना कपूर, दीपिका पादुकोण, रणवीर सिंहलगायत कलाकारको अभिनय छ। यो रोहित शेट्टीको कप युनिभर्सको फिल्म हो।
