'पठान' र 'जवान' को सफलतापछि अभिनेता शाहरूख खानसँग थुप्रै फिल्म छन्।
उनी आगामी फिल्म 'किङ' को छायांकनमा व्यस्त छन्। यसैबीच उनको ब्लकबस्टर फिल्मको सिक्वेल बन्ने खबर बाहिरिएको छ। उनको फिल्म 'बाजीगर' को सिक्वेल बन्न लागेको हो। फिल्मका निर्माता रजत जैनले फिल्मको सिक्वेल बन्ने खुलासा गरेका हुन्।
सन् १९९३ मा प्रदर्शन भएको फिल्ममा शाहरूख खानले अजय शर्माको भूमिका निर्वाह गरेका थिए। यस फिल्मको एक डाइलग निकै चर्चित भएको थियो। उक्त डाइलग अहिलेपनि दर्शकको मुखमै झण्डिएको छ। त्यो डाइलग हो, 'हार कर जीतने वालेको बाजीगर कहते हैं।'
यस फिल्मको लागि निर्देशक अब्बास मस्तानले सलमान खानलाई प्रस्ताव गरेका थिए। सलमानले फिल्म अस्वीकार गरेपछि शाहरूख फिल्ममा जोडिएका हुन्।
