दक्षिण भारतीय अभिनेता फहाद फाजिलले 'पुष्पा २' र 'विक्रम' जस्ता प्यान इन्डियाको फिल्ममा अभिनय गरेका छन्।
उनी हिन्दी दर्शकमाझ चर्चित छन्। अब उनी बलिउड फिल्ममा डेब्यू गर्दैछन्। उनले इम्तियाज अलीको निर्देशनमा बन्न लागेको फिल्म 'द इडियट अफ इस्तांबुल' बाट डेब्यू गर्न लागेका हुन्।
द हलिउड रिपोर्टर इन्डियासँग कुराकानी गर्दै इम्तियाज अलीले भने, 'यस फिल्मको घोषणा गरिसकेको छ। तर फिल्मको जानकारी समयभन्दा केही अगाडि नै आयो। अहिले सबै पक्का भएको छैन। यो मेरो आगामी फिल्म नहुन पनि सक्छ। म लामो समयदेखि फिल्म बनाउने कोशिश गरिरहेको छु। यसको नाम द इडियट अफ इस्तांबुल हो। यो फिल्म म फहादसँग बनाउन चाहन्छु।'
यस फिल्ममा फहाद फाजिलसँगै तृप्ति डिमरीको मुख्य भूमिका रहनेछ। यो फिल्मको छायांकन २०२५ मा सुरू हुनेछ।
