बलिउड अभिनेता नाना पाटेकर अभिनीत फिल्म 'वनवास' ले बक्स अफिसमा कमजोर व्यापार गरिरहेको छ।
भारतीय सञ्चारमाध्यम पिंकभिलाका अनुसार फिल्मले एक सातामा ४ करोड ६५ लाख भारू कमाएको छ। ६५ लाख भारूमा ओपनिङ गरेको फिल्मले दोस्रो दिन ९० लाख, तेस्रो दिन १ करोड २५ लाख, चौथो दिन ५० लाख, पाँचौं दिन ५० लाख, छैटौं दिन ५० लाख र सातौं दिन ३५ लाख भारू कमाएको हो।
यो फिल्मको बजेट ३० करोड भारू बताइएको छ। फिल्मलाई आफ्नो बजेट उठाउनै मुस्किल देखिएको छ।
फिल्ममा नाना पाटेकर र उत्कर्ष शर्माको मुख्य भूमिका छ। फिल्मलाई अनिल शर्माले निर्देशन गरेका हुन्।
