बलिउड अभिनेता सलमान खानको फिल्म 'सिकन्दर' ले भारतीय बक्स अफिसमा कमजोर कमाइ गरिरहेको छ।
भारतीय सञ्चारमाध्यम नवभारत टाइम्सका अनुसार विश्वभरबाट फिल्मले ५ दिनमा १४९ करोड २५ लाख भारू कमाएको छ भारतमा मात्रै फिल्मले ९० करोड २५ लाख भारू कमाएको छ।
भारतमा २६ करोडमा ओपनिङ गरेको फिल्मले दोस्रो दिन २९ करोड, तेस्रो दिन १९ करोड ५० लाख, चौथो दिन ९ करोड ७५ लाख र ६ करोड भारू कमाएको हो।
इदको अवसर पारेर सार्वजनिक गरिएको फिल्मले राम्रो कमाइ गर्ने फिल्मकर्मीको आशा थियो। तर फिल्मले नकरात्मक प्रतिक्रिया पाएसँगै भारतका विभिन्न ठाउँमा शो समेत रद्ध गरिएको छ।
एआर मुरुगादास निर्देशित फिल्ममा सलमान खान र रश्मिका मन्दनाको मुख्य भूमिका छ।
