बलिउड अभिनेता नवाजुद्दीन सिद्दीकी अभिनीत फिल्म 'कोस्टाओ' को ट्रेलर सार्वजनिक भएको छ।
बिहीबार जी५ युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा १५०० किलो सुन तस्करीको प्रसंगलाई देखाइएको छ।
ट्रेलर सार्वजनिक गर्दै जी५ ले लेखेको छ, 'एक असली हीरोको कहानी, एक कस्टम अफिसर जसले पुरै क्राइम नेटवर्कलाई हल्लायो। यो एउटा लडाईं मात्र होइन, यो बलिदानमा बनेको विरासत हो।'
सेजल शाहले निर्देशन गरेको फिल्ममा नवाजुद्दीनसँगै प्रिया बापट, किशोर कुमार जी, गगन देव रायर, हुसैन दलाल लगायत कलाकारको अभिनय छ। यो फिल्म १ मेदेखि जी५ मा प्रिमियर हुनेछ।
