युवापुस्तामाझ चर्चित गायक एकदेव लिम्बुको पछिल्लो गीत 'झिम झिमाउने आँखा' लाई स्रोता तथा दर्शकले रूचाएका छन्।
पाँच दिनअघि रिलिज गीत लोभलाग्दो भ्युजसहित नेपाल ट्रेन्डिङको संगीत खण्डतर्फ शीर्षस्थानमा छ।
गायक लिम्बुको शब्द, संगीत तथा गायन रहेको गीतलाई बिहीबारसम्म ३३ लाखभन्दा बढी पटक हेरिएको छ। गीतको भिडिओमा लिम्बुसहित दिकिला शेर्पा र उपासनासिंह ठकुरी फिचर्ड छन्।
लोसिना शाक्यको कोरियोग्राफी, सृष्टि राई र समस्ती राईको निर्देशनमा भिडिओ बनेको हो।
एकदेवका यसअघि पनि 'क्या राम्री, तिम्रो मुटुमा, आ है, लैलै, शिरफूल २' लगायत गीतहरू रूचाइएका छन्।
