पर्यटन व्यवसायीहरुको संस्था ट्रेकिङ एजेन्सी एसोसिएसन अफ नेपाल (टान) अध्यक्षमा लोकतान्त्रिक समूहको तर्फबाट उम्मेद्वारी दिएका खुमबहादुर सुवेदी अध्यक्षमा निर्वाचित भएका छन्।
काठमाडौंमा सम्पन्न साधारणसभाले सुवेदी प्यानलकै अधिकांस पदाधिकारी तथा सदस्यलाई निर्वाचित गरेको छ।
सुवेदीले सत्तारुढ निकटको प्यानलका उम्मेद्वार अञ्जन थापा (कुमार) पराजित गरेका हुन्। सुवेदीले ५२१ मत ल्याएका थिए भने पराजित थापाले ४३८ मत पाएका थिए।
महासचिवमा थापा प्यानलकी सरिता लामा बिजयी भएकी छन्। बरिष्ठ उपाध्यक्षमा नविन त्रिताल, प्रथम उपाध्यक्षमा चोलेन्द्र बहादुर कार्की, द्धितीय उपाध्यक्षमा भरत सापकोटा निर्वाचित भएका छन्। यी सबै अध्यक्ष सुवेदी प्यानलकै हुन्।
सचिवमा थापा समुहका दामोदर ढकाल निर्वाचित भए।
त्यस्तै कोषाध्यक्षमा ऋतु ग्याम्दान र सहकोषाध्यक्षमा सुर्यकुमार श्रेष्ठ निर्वाचित भए। यी पनि सुवेदी प्यानलकै हुन्। महिला सदस्यमा थापा समुहकी ङिमादिकी शेर्पा निर्वाचित भएकी छिन् । सदस्यमा थापा समुहको पाँच जना ठाकुर सापकोट, प्रेम बहादुर लामा मिङमातेन्जिङ शेर्पा, रामबहादुर गुरुङ र सुवेदी समुहका सनम शेर्पा, कान्छा शेर्पा, सिम्बर घले तथा सोनाम ग्याल्जेन शेर्पा विजयी भएका छन् ।
