अस्ट्रेलियामा तीज महोत्सव- २०२४ हुने भएको छ।
नपाली हिन्दु समाज अस्ट्रेलियाले ६ सेप्टेम्बर २०२४ शुक्रबार तीज पर्वकै दिन वरउड पार्कमा तीज महोत्सव हुन लागेको बताएको छ।
वरउड पार्कमा पशुपतिनाथको मूर्ति प्रतिस्थापना गरी पूजा गर्ने अवसर समेत प्रदान गर्न लागिएको छ।
बिहान ८ बजेदेखि राति ८ बजेसम्म श्रद्धालु भक्तजनहरूका लागि पूजा आराधना, मेला तथा सांगीतिक मनोरन्जनात्मक तीजमय कार्यक्रमको आयोजना गरिने साँस्कृतिक तथा मनोरन्जनात्मक कार्यक्रमको संयोजन उषा किरण बारियाले बताइन्।
दिउँसो १ बजेदेखि तीज विशेष सांस्कृतिक कार्यक्रम पनि सञ्चालन हुने बताइएको छ।
