अस्ट्रेलियामा रहेर सामाजिक काममा सक्रिय नेपाली युवा प्रवेश पौडेल न्युकासल भोलेन्टियर अवार्डबाट सम्मानित भएका छन्।
उनी यसअघि पनि यही अवार्डबाट सम्मानित भएका थिए।
लगातार दोस्रो पटक सम्मानित भएसँगै जिम्मेवारी पनि थपिएको महसुस गरेको पौडेलले सेतोपाटीलाई बताए।
उनलाई अस्ट्रेलियाको संघीय संसदकी उपसभामुख सारोन क्लेडोनले यो अवार्ड दिएकी हुन्।
उनी विगत तीन वर्षदेखि हन्टर बहुसांस्कृतिक समाजका सदस्य छन्।
यो न्युकासल क्षेत्रको गैरनाफामूलक संस्था हो। हालै उनी संस्थाको बोर्ड सदस्यमा निर्वाचित भएका छन्। करिब ५० वर्षे इतिहास भएको यो संस्थाको बोर्डमा नेपाली मुलका प्रतिनिधि बन्ने उनी पहिलो व्यक्ति हुन्।
यो संस्था न्यूकासल, सेन्ट्रल कोस्ट र हन्टर क्षेत्रकै सबैभन्दा ठूलो गैर–नाफामूलक संस्थामध्ये एक हो।
यसले आप्रवासी, युवाहरू, शरणार्थी तथा ज्येष्ठ नागरिकका लागि विभिन्न कार्यक्रम सञ्चालन गर्छ।
सबैजसो बिहीबार पुरै समय आफुले हंटर मल्टिकल्चरल सेन्टरको कम्युनिटी प्रोग्राममा बताउने पौडेलले बताए।
'बृद्धबृद्धा, जेष्ठ नागरिक र आमा–बाबुलाई स्थानीय क्षेत्र घुमाउन लैजाने, बसमा चढाउने–ओराल्ने, सीट बेल्ट लगाइदिनेदेखि लन्चमा सहयोग गर्नेसम्मका सबै कार्यमा म स्वयसेवक बन्छु,' उनले भने, 'हप्ताको एक दिन समुदायलाई समर्पित गर्दा छुट्टै खालको आत्मसन्तुष्टि मिल्छ। हन्टर क्षेत्रमा बहुसांस्कृतिक स्वयंसेवकको रूपमा चिनिन पाउदा खुशी लाग्छ।'
लामो समय बैंकिङ र अकाउन्टिङ क्षेत्रमा काम गरेका पौडेल अहिले सेभेन फाइनान्स एण्ड होम लोनका सिनियर क्रेडिट एनालिस्टका रूपमा कार्यरत छन्।
साथै, पौडेल क्लिक कन्सल्टिङ, न्युकासलसँग पनि आवद्ध छन्। जसले विद्यार्थीलाई शिक्षा, भिसा तथा करियर रेडी प्रोग्राममार्फत सहयोग गर्ने पौडेलको दाबी छ।
-1746009348.jpg)
