गत हप्ता पाँचै दिन बढेको नेप्से यो हप्ता भने घटेको छ। आइतबार सामान्य गिरावट देखिएको शेयर सूचक दोस्रो दिन भने दोहोरो अंकले घट्यो।
सोमबार १३.७५ अंकले घटेर १ हजार १ सय ५४.११ अंकमा पुगेर रोकिएको छ।
आज १ सय ६६ वटा कम्पनीको १३ लाख ७१ हजार १ सय ३४ कित्ता शेयर खरिदविक्री हुँदा ४० करोड ७९ लाख रुपैयाँ बराबरको कारोबार भयो।
आजको कारोबारमा सबै समूहको उपसूचक रातो देखिएको छ।
सबैभन्दा धेरै निर्जीवन बीमा समूहको उपसूचक १७२.०९ अंकले घटेको छ। यस्तै जीवन बिमाको उपसूचक १३६.५३ अंकले घटेको छ।
कारोबार रकमका आधारमा एनएमबी बैंक सबैभन्दा अघि देखियो। सोमबार एनएमबी बैंकको शेयर ४ करोड ५६ लाख रुपैयाँ बराबरको कारोबार भयो।
यस्तै स्वावलम्ब लघुवित्तको शेयर २ करोड ३४ लाख बराबरको कारोबार भयो।
सबैभन्दा बढी कमाउनेमा दिव्यश्वरी हाइड्रोपावर लिमिटेडका लगानीकर्ता छन्। आज सबैभन्दा बढी गुमाउनेमा हिमालयन पावर पार्टनर लिमिटेडका लगानीकर्ता छन्।
-1746009348.jpg)
