नेप्से परिसूचक २७ सय विन्दुबाट तल ओर्लिएको छ। नेप्से दुई महिनापछि २७ सय विन्दु तल ओर्लिएको हो। गत असार १८ गते यता पहिलो पटक नेप्से परिसूचक २७ मुनि आएको हो।
सोमबार बजार बन्द हुँदा नेप्से परिसूचक ३५.९९ विन्दुले घटेर २६७२ विन्दुमा आइपुगेको छ। केही समयदेखि नेप्से २७ सयको विन्दुमा अडिन खोजेपनि आइतबार असफल भएको हो।
युवा पुस्ता (जेनजी) ले सामाजिक सञ्जाल बन्द र भष्ट्राचारको विरोधमा आन्दाेलन गरेपछि बजारमा यसको प्रभाव पनि परेको हो।
बजार घटेपनि कारोबार रकम भने बढेको छ। आइतबार बजारमा चार अर्ब ४० करोड रूपैयाँको कारोबार भएकोमा सोमबार पाँच अर्ब २३ करोड रूपैयाँको कारोबार भएको हो।
यसदिन सबै समूहगत परिसूचक घटेका छन्। व्यापारमुलक सबैभन्दा धेरै ३.३१ प्रतिशतले घटेको छ। ‘अन्य’, विकास बैंक र जलविद्युत् तीनवटै समूह १.३८ प्रतिशतले घटेका छन्।
कारोबारमा आएका तीन सय २० लगानी उपकरणमध्ये ५० वटाको मूल्य बढेको छ भने दुई सय ६३ वटाको मूल्य घटेको छ। बाँकीको मूल्य स्थिर छ।
केही दिन अघि सूचीकरण भएको हिमस्टारको सेयर मूल्य सबैभन्दा धेरै करिब १० प्रतिशतले बढेर सर्किट ब्रेक लागेको छ। कम्पनीको सेयर चार सय ३० रूपैयाँमा कारोबार भएको छ।
बाराही हाइड्रोपावरको मूल्य सबैभन्दा धेरै ५.२८ प्रतिशतले घटेर ६ सय ७१ रूपैयाँमा सीमित भएको छ। नेपाल पुनर्बीमाको सेयर मूल्य सबैभन्दा धेरै ३० करोड रूपैयाँको सेयर कारोबार भएको छ।
-1746009348.jpg)
