सनराइज बैंकले ट्राभल र टुरिजम क्षेत्रमा छुट दिने उद्देश्यले टर्किस एयरलाइन्ससँग सम्झौता गरेको छ।
मंगलबार सनराइज बैंकको प्रधान कार्यालयमा भएको कार्यक्रममा टर्किस एयरलाइन्सको तर्फबाट नेपालको लागि कन्ट्री म्यानेजर अब्दुल्ला टुन्चेर केटिची र सनराइज बैंकका तर्फबाट बैंकको प्रमुख कार्यकारी अधिकृत जनक शर्मा पौड्यालले सम्झौता पत्रमा हस्ताक्षर गरेका हुन्।
यस सम्झौताअन्तर्गत सनराइजका ग्राहकले टर्किस एयरलाइन्सको टिकट खरिद गर्दा ‘इकोनोमिक क्लास’मा ७ प्रतिशतसम्म र ‘विजनेस क्लास’मा १० प्रतिशतसम्मको छुट पाउने व्यवस्था गरिएको छ।
साथै बैंकका ग्राहकले युरोप भ्रमणमा जादाँ थप १० केजीसम्म सामान लान पाउने व्यवस्था गरिएको छ।
उक्त छुटका लागी टर्किस एयरलाइन्सको काठमाडौंस्थित नारायणहिटी पथमा रहेको कार्यालयमा आफ्नो परिचयस्वरुप बैंकको कार्ड देखाई टिकट खरिद गर्नुपर्नेछ।
-1746009348.jpg)
