हिमालयन बैंक र अमेरिकन एक्स्प्रेसको नयाँ दुई वटा कार्ड सञ्चालनमा आएको छ।
स्थानीय ग्राहकहरूका लागि हिमालयन बैंक अमेरिकन एक्स्प्रेस क्रेडिट कार्ड र हिमालयन बैंक अमेरिकन एक्स्प्रेस प्रिपेड कार्ड गरी दुई वटा नयाँ कार्डहरू सञ्चालनमा ल्याइएको हो।
हिमालयन बैंक अमेरिकन एक्स्प्रेस क्रेडिट कार्ड विभिन्न क्षेत्रमा भ्रमण गर्ने तथा विभिन्न सरसमानहरू खरिद गर्ने खरिदकर्ताहरू तथा हिमालयन बैंक अमेरिकन एक्स्प्रेस प्रिपेड कार्ड उच्च शिक्षा अध्ययनका लागि विदेश जाने विद्यार्थी तथा अन्य यात्रीहरूका लक्षित गरिएको बताइएको छ।
उक्त कार्ड प्रयोगकर्ताहरूले कार्डबाट भुक्तानी गर्दा विभिन्न लाभ, छुटहरू पाउनुका साथै आफ्नो खर्चहरू व्यवस्थापन सहज बनाउन सक्ने बैंकले बताएको छ।
बैंकका प्रमुख कार्यकारी अधिकृत अशोक शम्शेर राणाले अमेरिकन एक्स्प्रेससँग हिमालयन बैंकको लामो समयदेखिको सम्बन्ध रहेको र विभिन्न वर्गका ग्राहकहरूलाई लक्षित गरी दुईवटा नयाँ कार्डहरू सञ्चालनमा ल्याई उक्त सम्बन्धलाई निरन्तरता दिन सकेकोमा खुशी व्यक्त गरे।
उक्त कार्डहरूले तथा विभिन्न मुलुक भ्रमण गर्ने स्थानीय ग्राहकहरूलाई सुविधा प्रदान गरी प्रत्येक कारोबारमा फाइदा प्रदान गर्ने बताइएको छ।
अमेरिकन एक्स्प्रेस दक्षिण एसियाका भाइस प्रेसिडेन्ट तथा व्यापार प्रमुख, नेटवर्क पार्टनरसिप दिव्या जैनले नेपालमा अमेरिकन एक्स्प्रेसको दुईवटा नयाँ कार्डहरूको सेवा सुरू गर्न पाउँदा उत्साहित भएको बताइन्।
दुवै कार्डले प्रयोगकर्तालाई यात्रा तथा विभिन्न सामानहरू खरिदमा उच्चतम लाभको अनुभुति गराउने बैंकले जनाएको छ।
त्यस्तै, उच्च शिक्षा अध्ययनको विभिन्न मुलुकका विश्वविद्यालयहरूमा पढ्न जाने विद्यार्थीहरूलाई पनि फाइदा पुग्ने बैंकले बताएको छ।