नेपाल बैंकको नाफा १८८ गुणा (१३ हजार प्रतिशत) बढेको छ। बैंकले सार्वजनिक गरेको गत आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरणले यस्तो देखाएको हो।
अघिल्लो आर्थिक वर्ष २०८०/८१ मा २ करोड रूपैयाँ नाफा कमाएकोमा गत आर्थिक वर्षमा बैंकले तीन अर्ब ७७ करोड रुपैयाँ नाफा गरेको हो।
बैंकले अघिल्लो आर्थिक वर्ष २०८०/८१ को नाफा पहिले प्रकाशित गरेभन्दा संशोधन गरेपछि नाफा यसरी बढेको देखिएको हो।
अघिल्लो आर्थिक वर्ष २०८०/८१ को परिस्कृत वित्तीय विवरणको नाफा हो भने गत आर्थिक वर्ष २०८१/८२ को अपरिस्कृत तथ्यांक हो।
राष्ट्र बैंकले गत वर्ष प्रावधान बढाउन लगाउँदा त्यो पछिको नाफाको तुलनामा अहिले केही बैंकको नाफा गुणात्मक बढेको देखिएको छ।
बैंकले अघिल्लो पटक चार अर्ब ७६ करोड प्रावधान राखेकोमा यस पटक एक अर्ब ९ करोड फिर्ता ल्याएको छ।
बैंकको खुद ब्याज आम्दानी १६.८२ प्रतिशतले बढेको छ। ८ अर्ब ६३ करोडबाट बढेर १० अर्ब ८ करोड रुपैयाँ पुगेको छ।
बैंकको वितरण योग्य मुनाफा ४४ करोडले ऋणात्मक छ।
बैंकको खराब कर्जा ४.९४ प्रतिशतबाट बढेर ४.९६ प्रतिशत पुगेको छ। बैंकको प्रतिशेयर आम्दानी २५ रूपैयाँ ६८ पैसा छ। यसअघि यस्तो आम्दानी १९ पैसा मात्र थियो।
बैंकको प्रतिशेयर नेटवर्थ २५९ रुपैयाँ ८१ पैसा छ।
-1746009348.jpg)
