भ्याली कोल्ड स्टोर प्रालि (भ्याली ग्रुप) अन्तर्गतको भ्याली एक्सप्रेसको आउटलेट काठमाडौंको त्रिभुवन विमानस्थल सिनामंगलमा खुलेको छ।
विमानस्थलमा रहेको पार्किङसँगै जोडिएको भवनमा भ्याली एक्सप्रेसको आउटलेट बुधबारदेखि खुलेको हो।
२०४१ मा स्थापित भ्याली ग्रुप ३१ वर्षपछी फाष्टफुडको ब्यापारमा प्रवेश गर्दै २०७१ मा भ्याली एक्सप्रेसको ब्राण्डमा चितवनमा आफ्नो पहिलो शाखा खोलेको थियो।
दोस्रो शाखा काठमाडौंको नयाँबजारमा खोलेर काठमाडौं उपत्यकामा प्रवेश गरेको समूहले काठमाडौंको बसन्तपुर र महाराजगन्जमा यस अगाडि नै शाखा विस्तार गरिसकेको छ ।
काठमाडौं बाहिर पनि भ्याली एक्सप्रेसको शाखा विस्तार गर्न योजना रहेको ग्रुपले जानकारी दिएको छ।
भ्याली ग्रुपमा अहिले भ्याली कोल्ड स्टोर प्रालि, भ्याली फिड ईण्डष्ट्री, भ्याली पोल्ट्री प्रालि, भ्याली पेलेट फिड प्रालि सञ्चालनमा छन् । पोल्ट्री व्यवसाय सम्बन्धी खोज र अनुसन्धान गरी आधुनिक, प्रविधिमैत्री र अन्तराष्ट्रिय बजारमा प्रतिष्पर्धी बनाउन भ्याली रिसर्च फार्म सञ्चालनमा छ।
भ्याली एक्सप्रेस विशेषगरी चिकेनका विभिन्न आइटम पाइने रेष्टुरेन्ट हो।
-1746009348.jpg)
