नेपाली कांग्रेसको १४ औं महाधिवेशनअन्तर्गत आज मतदान भइरहेको छ।
आज बिहान ८ बजेदेखि मतदान गर्ने भने पनि ११ बजेपछि मात्रै सुरू गरिएको थियो।
अपरान्ह ५ बजेसम्म मतदानको समय रहेकोमा निर्वाचन समितिले मतदानका लागि समय थपेको छ।
आज बेलुकी ९ बजेसम्म मतदान गर्न पाउने गरी समय थप भएको निर्वाचन समिति संयोजक गोपालकृष्ण घिमिरेले जानकारी दिए।
अपरान्ह ५ बजेसम्म दुई हजार मत खसेको छ।
यसपालि कांग्रेसमा ४७४३ जना महाधिवेशन प्रतिनिधि छन्।
सभापति पदमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रतिस्पर्धामा उत्रिएका छन्।
1639389185.jpeg)
