नेपाली कांग्रेसको जारी १४औं महाधिवेशनअन्तर्गत सभापति पदको प्रारम्भिक मतपरिणाम सार्वजनिक भएको छ।
निर्वाचन समितिका अनुसार सुरूमा सय मत गन्दा सभापति पदमा शेरबहादुर देउवाले ५०, शेखर कोइरालाले ३४, विमलेन्द्र निधिले ११, प्रकाशमान सिंहले ३ र कल्याण गुरुङले १ मत ल्याएका छन्।
मंगलबार बिहान ४ बजेदेखि सभापतिको मतगणना सुरू गरिएको निर्वाचन समितिले जनाएको छ।
सभापतिबाहेक अन्य पदको मतगणना भने कांग्रेस केन्द्रीय कार्यालय सानेपामा गरिने छ।
महाधिवेशनमा ४ हजार ७ सय ४३ जना मतदातामध्ये ४ हजार ६ सय ७९ ले मत खसालेका छन्।
