नेपाली कांग्रेसको महामन्त्रीका लागि भइरहेको मतगणनामा आधा मत गणना भएको छ।
अहिलेसम्मको मत परिणाममा दुई युवा उम्मेदवार गगन थापा र विश्वप्रकाश शर्मा जिततर्फ अग्रसर भएका छन्।
कुल खसेको ४६७९ मतमध्ये अहिलेसम्म २३२१ मत गणना भएको छ। पछिल्लो मत परिणाममा झन्डै दुई तिहाइ मतका साथ गगन थापा अग्र स्थानमा छन्। थापाले १५०८ मत ल्याएका छन्।
दोस्रो स्थानमा रहेका विश्वप्रकाश शर्माले ९४२ मत पाएका छन्। उनले तेस्रो स्थानमा रहेका प्रकाशशरण महतसँग मतान्तर बढाउँदै लगेका छन्। महतले ७६५ मत पाएका छन्। उनीहरूबीचको अन्तर १७७ मतको छ। यो भनेको विश्वप्रकाशले प्रकाशशरणले भन्दा २३ प्रतिशत मत धेरै ल्याएका छन्।
चौंथो स्थानमा रहेका प्रदीप पौडेलले ६७९ मत पाएका छन् भने पाँचौं नम्बरमा रहेका मीनेन्द्रले ४०२ मत पाएका छन्।
छैंठो स्थानमा रहेका राजाराम कार्कीले ६३मत पाएका छन्।
अब केही घन्टामै अन्तिम मत परिणाम सार्वजनिक हुनेछ।
