कांग्रेस १४ औं महाधिवेशनमा महामन्त्री पदमा विजयी भएका गगनकुमार थापा र विश्वप्रकाश शर्मालाई महामन्त्रीका उम्मदेवार प्रदीप पौडेलले बधाई दिएका छन्।
पार्टीमा रूपान्तरण भएको भन्दै उनीहरूको जितमा आफू खुसी भएको उनले बताएका छन्।
'पार्टीमा रूपान्तरण भएको छ', उनले भने, 'म उहाँहरूको जितमा खुसी छुु'
कांग्रेसमा पुस्तान्तरण भएको भन्दै अब वैचारिक रूपान्तरण हुन आवश्यक भएको उनले बताए।
यद्यपि आधिकारिक परिणाम भने आउन बाँकी छ।
महामन्त्री पदका लागि ६ जनाले उम्मेदवारी दिएका थिए। ४३९० मतगणनामा गगन कुमार थापा २८२३ मत, विश्वप्रकाश शर्माले १८२४ मत, प्रकाशशरण महतले १४५५ मत, प्रदीप पौडेलले १३०३ मत, मिनेन्द्र रिजालले ७५३ मत, राजाराम कार्कीले १०० मत ल्याएका छन्।
कांग्रेस विधानमा महाधिवेशनबाट दुई जना महामन्त्री निर्वाचित हुने व्यवस्था छ।
