महिला, दलित , आदिवासी जनजाति क्लस्टरअन्तर्गत कांग्रेस सहमहामन्त्री पदको मतगणना सुरू भएको छ।
महिलामा कोइराला पक्षबाट कमला पन्त, देउवा पक्षबाट महालक्ष्मी उपाध्यक्ष 'डिना' ले उम्मेदवारी दिएका छन्।
त्यस्तै, आदिवासी जनजातिमा देउवा पक्षबाट भिष्मराज आङ्देम्बे र कोइराला पक्षबाट विकास लामाले उम्मेदवारी दिएका छन्।
दलितमा कोइराला प्यानलबाट जीवन परियार, देउवा पक्षबाट मानबहादुर विश्वकर्माले उम्मेदवारी दिएका छन्।
यस्तै गंगा सुनारले स्वतन्त्रबाट उम्मेदवारी दिएकी छन्।
कांग्रेस पदाधिकारीमा अहिलेसम्म सभापति, उपसभापति र महामन्त्रीको परिणाम आइसकेको छ।
कांग्रेस निर्वाचन समितिका अनुसार दलित, आदिवासी जनजाति र महिलाको एकैपटक नाै ठाउँमा मत गणना भइरहेको छ।
