नेपाली कांग्रेसको थारू कलष्टरतर्फ केन्द्रीय सदस्यमा चार जना निर्वाचित भएका छन्।
खुलातर्फ योगेन्द्र चौधरी २१९८ मत र रामजनम चौधरी २५०३ मत ल्याएर केन्द्रीय सदस्य निर्वाचित भएका हुन्।
कांग्रेस निर्वाचन समितिले दिएको जानकारीअनुसार केन्द्रीय सदस्य थारू महिलातर्फ कल्पना चौधरी २५२४ मत र जीवन राना २३४९ मत ल्याएर केन्द्रीय सदस्य निर्वाचित भएका छन्।
कांग्रेसमा १६६ सदस्यीय केन्द्रीय समिति रहने व्यवस्था छ जसमध्ये १२१ जना निर्वाचनमार्फत् आउने छन्।
