नेपाल दुरसञ्चार प्राधिकरणका प्रमुख दिगम्बर झाको गाडीमा आइतबार साँझ तोडफोड भएको छ। काठमाडौं प्रहरीका अनुसार साँझ ७ बजेतिर अनामनगरमा अज्ञात समूहले झाको गाडी तोडफोड गरेको हो।
काठमाडौं प्रहरी प्रमुख छविलाल जोशीका अनुसार मदन भण्डारी कलेज नजिकै पुग्दा झा चढेको बा ६ च ५६१६ नम्बरको गाडीमा तोडफोड भएको हो। गाडीमा रहेका झालाई सामान्य चोट लागेको छ।
प्रहरीले चन्दाको विषयलाई लिएर नेत्रविक्रम चन्दका कायकर्ताले गाडीमा तोडफोड गरेको आशंका गरेको छ। गाडी तोडफोड गर्नेको खोजी भइरहेको जोशीले जानकारी दिए।
