प्रहरीले एक हजार २०१ एम्पुल लागुऔषधसहित थानकोटबाट सर्लाही, कलैया घर भएका मनोज साह भनिने पूर्णबहादुर खुलाललाई मंगलबार पक्राउ गरेको छ।
बाराको कलैयाबाट राजधानी भित्रिँदै गरेको बा६ख ४८८५ नंको बसमा खुलालले झोलाभित्र कपडामा बेरेर राखेको सो लागुऔषध बरामद गरिएको महानगरीय प्रहरी वृत्त थानकोटका निरीक्षक ऋषिराम घर्ती मगरले जानकारी दिए। उनका साथबाट डाइजोल्य र नोरफिन चार सय एम्पुल र फेनारगन चार सय एक एम्पुल बरामद भएको छ। रासस
