इलाम-२ मा सात हजार मत गनिसक्दा राष्ट्रिय स्वतन्त्र पार्टीका उम्मेदवार मिलन लिम्बू चौथो स्थानमा देखिएका छन्।
अहिले फाकफोकथुम गाउँपालिकाको मतगणना जारी छ। अहिलेसम्म पाँचवटा वडाको गणना सकिँदा रास्वपा उम्मेदवार लिम्बूले ४३४ मत ल्याएका छन्।
रास्वपाले फाकफोकथुम-१ मा ११५ मत, २ मा ९६ मत, ३ मा ९७ मत, ४ मा ७१ मत र ५ मा ५५ मत ल्याएका छ।
यहाँ स्वतन्त्र उम्मेदवार डकेन्द्रसिंह लिम्बूले तेस्रो स्थान कायम गर्दै ७०३ मत ल्याएका छन्।
उनले वडा नम्बर १ मा १८६, २ मा १२६ मत, ३ मा ११७ मत, ४ मा १६३ मत र वडा नम्बर ५ मा ११० मत पाए।
इलाम-२ प्रारम्भिक मत परिणाममा नेपाली कांग्रेसका डम्बरबहादुर खड्काले अग्रता लिएका थिए।
अहिले उनलाई उछिन्दै एमालेका सुहाङ नेम्वाङ अगाडि छन्।
नेम्वाङले अहिलेसम्म ३ हजार २४९ मत ल्याउँदा नेपाली कांग्रेसका खड्काले २ हजार ४६९ मत ल्याएका छन्।
सुहाङ र खड्काको ७८० को मतान्तर छ।
अहिलेसम्म ७०४३ मत गणना हुँदा ७९ मत बदर भएको छ।
इलाम २ मा शनिबार भएको उपनिर्वाचनमा ६९ हजार दुई सय ८७ जनाले मतदान गरेका थिए। यो भनेको कुल एक लाख १५ हजार ८८९ मतदाताको ६० प्रतिशत हो।
२०७९ मा भएको प्रतिनिधि सभा चुनावमा इलाम २ मा एमाले उम्मेदवार सुवास नेम्वाङले ३० हजार २० मत ल्याएर निर्वाचित भएका थिए भने कांग्रेसका उम्मेदवार डम्बर खड्काले २९ हजार ९ सय ६ मत ल्याएका थिए।
त्यसबेला खड्का तत्कालीन सत्ता गठबन्धनबाट साझा उम्मेदवार थिए।
-1715411980.jpg)
