तुलसीपुरको एक होटलमा जुवा खेलिरहेको अवस्थामा ६ जना जुवाडे पक्राउ परेका छन्।
तुलसीपुर उपमहानगरपालिका वडा नं. ५ बसपार्कस्थित न्यू रुकुमेली प्रकाश गेष्ट हाउस एण्ड लजमा अवैध रूपमा जुवा खेलिरहेको अवस्थामा उनीहरू पक्राउ परेका हुन्।
इलाका प्रहरी कार्यालय तुलसीपुका प्रमुख एवं डिएसपी प्रेमबहादुर शाहीका अनुसार उनीहरूको साथबाट नगद ९३ हजार ७ सय ८५ रुपैयाँ बरामद भएको छ।
जुवा खेल्न प्रयोग गरिएको १८ थान कौडा समेत बरामद भएको प्रहरीले जानकारी दिएको छ। न्यू रुकुमेली प्रकाश गेष्ट हाउस एण्ड लजका सञ्चालकलाई समेत प्रहरीले अवैध रूपमा जुवा खेलाएको भन्दै पक्राउ गरेको छ।
प्रहरीले उनीहरूलाई सोमबार दिउँसो पक्राउ गरेको जानकारी दिएको छ।
