प्रहरीको गाडीबाटै हाम फालेर भागेका एक जना थुनुवा दस महिनापछि पक्राउ परेका छन्।
तुलसीपुर उपमहानगरपालिका वडा नं. ५ का २१ वर्षीय विष्णु बुढाथोकीलाई प्रहरीले आइतबार राति तुलसीपुरको बसपार्क क्षेत्रबाट पक्राउ गरेको हो।
पक्राउ परेका बुढाथोकीको साथबाट १ ग्राम ३४० मिलिग्राम लागुऔषध ब्राउन सुगर बरामद भएको प्रहरीले बताएको छ। थुनुवा बुढाथोकी कात्तिक २५ गते ११ जना प्रहरीको बीचबाट भागेका थिए।
सामान्य कुटपिटको अभियोगमा सार्वजनिक नैतिकताविरुद्धको कसुरमा म्याद थपेर जिल्ला प्रशासन कार्यालय घोराहीबाट इलाका प्रहरी कार्यालय तुलसीपुर ल्याउँदै गर्दा बेलुका ५ बजेतिर बुढाथोकी भागेका थिए।
प्रहरीकै बीचबाट थुनुवा भागेपछिसँगै गाडीमा रहेका १२ जना प्रहरीलाई विभागीय कारबाही गरिएको थियो।
