बझाङमा एकै परिवारका तीन जना मृत फेला परेका छन्।
बुधबार बिहान करिब ८ बजे बुंगल नगरपालिका-९ बस्ने आमा, छोरा र छोरी मृत फेला परेको जिल्ला प्रहरी कार्यालयका प्रहरी निरीक्षक रमेश अवस्थीले जानकारी दिए।
२२ वर्षीया गीता पार्की, उनकी पाँच वर्षीया छोरी भूमिका र तीन वर्षीय छोरा मृत फेला परेका हुन्। स्थानीयले बिहान थाहा पाएपछि प्रहरीलाई खबर गरिएको थियो।
अहिले नजिकैको अस्थायी प्रहरी चौकीबाट प्रहरी खटिएका छन्।
जिल्ला प्रहरी कार्यालय बझाङबाट प्रहरी निरीक्षक अवस्थीको कमान्डमा टोली खटिएको छ। घटनास्थल टाढा भएको हुँदा सो टोली त्यहाँ पुगिसकेको छैन।
तीनै जना झुन्डिएको अवस्थामा फेला परेका हुन्।
मृतकका श्रीमान पुस्कर पार्कीलाई प्रहरीले नियन्त्रणमा लिएको छ। उनी हिजोमात्रै भारतबाट नेपाल फर्किएको प्रहरीले जनाएको छ।
