ललितपुरको जावलाखेलमा गुडिरहेको गाडीमाथि पोल ढलेको छ।
सोमबार अपराह्नपख जावलाखेलस्थित टेलिकम पछाडिको बाटोमा पोल ढलेको जिल्ला प्रहरी परिसर ललितपुरका एसपी नरेशराज सुवेदीले जानकारी दिए।
गाडी सानेपाको फोनिक्स स्कुलका विद्यार्थी बोकेर जाँदै गरेको खुलेको छ। बा २ ख २८५० नम्बरको भाडाको गाडीमाथि पोल खसेको हो।
गाडीमा सवार सबै विद्यार्थीहरू सकुशल छन्। विद्यार्थीहरूलाई अर्को गाडीमा राखेर पठाइसकेको छ।
गाडीमा भने क्षति पुगेको छ।
अहिले प्रहरी र महानगर प्रहरी घटनास्थलमा पुगेका छन्। महानगर प्रहरीले पोलमा रहेको तारहरू काटेर निकाल्ने प्रयास गरिरहेको बताएको छ।
