त्रिशूली नदीमा ट्रक खसेको छ।
आइतबार बिहान भैरहवाबाट काठमाडौं जाँदै गरेको ट्रक नारायणघाट-मुग्लिन सडकअन्तर्गत चितवनको भरतपुर महानगरपालिका-२९ को २५ किलोबाट त्रिशूली नदीमा खसेको हो।
ना ६ ख ६२८३ नम्बरको ट्रक नदी किनारमा खसेको जिल्ला प्रहरी कार्यालय चितवनका डिएसपी भेषराज रिजालले जानकारी दिए।
उक्त ट्रक खानेतेल बोकेर काठमाडौं जाँदै थियो।
ट्रकका चालक सम्पर्कमा छैनन्।
दुर्घटनास्थल सिमलतालभन्दा केही तल हो।
दुर्घटनाबारे थप अनुसन्धान भइरहेको डिएसपी रिजालले जानकारी दिए।
