काठमाडौंको विष्णुमती खोलामा खसेर एक जना पुरूष बेपत्ता भएका छन्।
आइतबार साँझ सवा ८ बजेतिर टोखा नगरपालिका वडा नम्बर ८ रमणबस्तीबाट एक जना पुरूष बेपत्ता भएको एक प्रहरी अधिकारीले बताए।
उनका अनुसार लमजुङ घर भई एकता बस्ती बस्ने ४२ वर्षीय रामचन्द्र खड्का बेपत्ता भएका हुन्।
आफ्ना छोरासँग हिँडिरहँदा चिप्लिएर उनी विष्णुमती खोलामा खसेको ती प्रहरीले जानकारी दिए।
अहिले उनको खोजी भइरहेको छ।
