मोटरसाइकल दुर्घटनामा परी घोराहीका दुइ युवक गम्भीर घाइते भएका छन्।
घोराही उपमहानगरपालिका – १८ नवलपुरका २२ वर्षीय मोटरसाइकल चालक श्रवणकुमार पुन र पछाडि सवार घोराही – ४ का २१ वर्षीय विनोद केसी गम्भीर घाइते भएका छन्।
उनीहरु दुवै अचेत रहेको र उद्धार गरी उपचारका लागि लमही अस्पताल पुर्याइएको जिल्ला प्रहरी प्रमुख एसपी रामबहादुर केसीले जानकारी दिए।
घाइतेको साथमा फेला परेका कागजात र परिचय पत्रका आधारमा उनीहरुको पहिचान गरिएको प्रहरीले जानकारी दिएको छ।
लमही–घोराही सडक खण्ड अन्तरगत लमहीबाट घोराही तर्फ आउँदै गरेको रा ८ प २९४० नम्बरको मोटरसाइकल अनियन्त्रित भइ लमही नगरपालिका – ६ बेलदमार नजिकै बिहान साढे सात बजेतिर दुर्घटनामा परेको खबर पाएपछि प्रहरी पुगेको थियो।
वडा प्रहरी कार्यालय लहमीका प्रमुख प्रहरी निरीक्षक प्रकाश भुसालसहितको पाँच जनाको टोलीले लमही बजार भन्दा झन्डै ५ किलोमिटर उत्तरमा खोल्सामा खसेको अवस्थामा उनीहरुलाई उधार गरी ८ बजेपछि लमही अस्पताल पुर्याएको थियो।
बिहान ७ बजेतिर उनीहरु दुर्घटनामा परेको प्रहरीले जानकारी दिएको छ।
