आगामी महिना नामिबियामा हुने आइसिसी विश्व क्रिकेट लिग डिभिजन–२ प्रतियोगिताका लागि खेल तालिका सार्वजनिक भएको छ।
जसअनुसार नेपालले पहिलो खेल आयोजक नामिबियासँग माघ २५ गते खेल्नेछ। डिभिजन–२ प्रतियोगिता आगामी फेब्रुअरी ६ देखि १६ सम्म हुँदैछ। डिभिजन–२ मा ६ टिमबीच प्रतिस्पर्धा हुनेछ। डिभिजन–२ मा नेपाल, युएई, नामिबिया, केन्या, क्यानडा र ओमानले खेल्नेछन्।
डिभिजन–२ का शीर्ष २ टिम विश्वकप छनोट प्रतियोगिताका लागि छनोट हुनेछन्। प्रतियोगिताका कूल १८ खेलहरू नामिबियाका ३ वटा मैदानमा सञ्चानलन हुनेछन्।
हाल नेपाली टिम कीर्तिपुरस्थित त्रिवि क्रिकेट मैदानमा अभ्यास गरिरहेको छ। अभ्यासमा पहिलो चरणका २१ जना खेलाडी सहभागी छन्। दुबई भ्रमणमा जानुअघि नेपालले अन्तिम टिम घोषणा गर्नेछ।
