अनुष्का शर्माको आगामी फिल्म परीलाई लिएर क्रिकेट कप्तान विराट कोहलीले प्रतिक्रिया दिएका छन्।
फिल्म परी एक हरर फिल्म हो। जसको ट्रेलर हेरेका विराटले सोशल मीडियामा आफ्नी श्रीमतीको नयाँ भूमिका हेर्न आफू आतुर रहेको बताएका छन्।
‘यसभन्दा अगाडि यस्तो अवतारमा कहिल्यै नदेखेको उनलाई अब म धेरै प्रतिक्षा गर्न सक्दिनँ,’ कोहलीले भनेका छन्।
यो फिल्ममा अनुष्का शर्मालाई धेरै नै डराएको भूमिकामा देख्न सकिन्छ। विभिन्न फिल्ममा फरक-फरक अभिनय गरिसकेकी अनुष्काले पहिलो पटक हरर फिल्ममा काम गरेकी हुन्।
आगामी मार्च २ मा रिलिज हुने यो फिल्म अनुष्काको विवाह पछिको पहिलो फिल्म हो।
प्रोशित रायले निर्देशन गरेको फिल्ममा अनुष्कासँगै परमब्रता चटर्जी, रजत कपूर तथा रीता बिहारी चक्रवर्तीलगायतको अभिनय छ।
क्लीन स्लेट प्रोडक्शनको तेस्रो प्रस्तुती हेको यो फिल्म अनुष्का आफैंले निर्माण गरेकी हुन्।
यसअघि ‘एनएच १०’ र ‘फिल्लौरी’ को निर्माण गरिसेककी उनको यो तेस्रो प्रोजेक्ट हो।
यसअघि फेबुअरी ९ को रिलिज मिति तय भएको फिल्म आगामी होलीको अवसरमा पारेर रिलिज हुन लागेको हो।
