आयरल्याण्ड वुल्भ्सविरूद्धको एकदिवसीय सिरिजको अन्तिम खेलमा नेपालले पहिले बलिङ गर्ने भएको छ।
त्रिवि मैदान कीर्तिपुरमा टस जितेर आयरल्याण्ड वुल्भ्सले पहिले ब्याटिङ गर्ने निर्णय गरेपछि नेपाली टिमले बलिङ गर्न लागेको हो।
नेपालले अघिल्लो दुई खेलमा पराजित हुँदै सिरिज गुमाइसकेको छ। तर क्लिन स्विप हुनबाट जोगिन आजको खेल जित्नैपर्ने दबाब छ।
नेपाल सिरिजको पहिलो खेलमा २१ रनले पराजित हुँदा दोस्रो खेलमा ११४ रनको लज्जास्पद हार ब्यहोरेको थियो।
दोस्रो खेलमा नेपाल ६० रनमै अलआउट भएको थियो। क्लिन स्विप हुनबाट जोगिन आजको खेलमा नेपालले जित्नुपर्ने दबाब छ।
टी-२० सिरिजमा पनि अन्तिम खेलमा नेपाल विजयी हुँदै क्लिन स्विपबाट जोगिएको थियो।
विनोद भण्डारीको कप्तानीमा रहेको टिममा अर्जुन कुमाल, देव खनाल, नरेन भट्ट, भीम सार्की, अर्जुन साउद, आरिफ शेख, बसिर अहमद, कमल सिंह ऐरी, शाहब आलम, रन्जित कुमार, रूपेश सिंह, रिजन ढकाल, विकास आग्री र मौसम ढकाल छन्।
