एसिसी प्रिमियर कप टी-२० क्रिकेटको तेस्रो स्थानका लागि हङकङविरूद्ध ब्याटिङ गरिरहेको नेपालले दोस्रो विकेट गुमाएको छ।
तेस्रो ओभरको तेस्रो बलमा सोमपाल कामी आउट भएका हुन्। उनी आयुष शुक्लाको बलिङमा अदित गोरवाराबाट क्याच आउट भएका हुन्।
आउट हुनुअघि सोमपालले ७ बलमा १२ रन बनाए। त्यसक्रममा उनले २ चौका हाने।
टस जितेर ब्याटिङ गरेको नेपालले पहिलो ओभरको दोस्रो बलमै पहिलो विकेट गुमाएको थियो।
ओपनर कुशल भूर्तेल दोस्रो बलमै आयुष शुक्लाको बलमा जिशन अलीबाट क्याच आउट हुन पुगेका थिए।
शुक्रबार युएईविरूद्धको सेमिफाइनल खेलमा भूर्तेल रोयल डक भएका थिए।
सोमपालको विकेटपछि कप्तान रोहित पौडेल ब्याटिङमा आएका छन्।
नेपाल ४ ओभरमा २० रन बनाएर खेलिरहेको छ।
सेमिफाइनलमा युएईसँग पराजित भएसँगै सन् २०२५ मा हुने एसिया कप खेल्नबाट नेपाल बञ्चित भइसकेको छ।
इमर्जिङ टिम्स एसिया कप खेल्नका लागि आजको खेल जित्नैपर्ने दबाब नेपालमाथि छ।
हङकङविरूद्धको खेलमा नेपाली टिममा कुनै परिवर्तन गरिएको छैन।
