वेस्ट इण्डिजविरूद्धको टी-२० सिरिजको पहिलो खेलमा नेपालले जितका लागि २०५ रनको लक्ष्य पाएको छ।
त्रिवि मैदान किर्तिपुरमा पहिले ब्याटिङ गरेको वेस्ट इण्डिजले ५ विकेट गुमाएर २०४ रनको योगफल तयार गरेको हो।
वेस्ट इण्डिजका लागि कप्तान रोस्टन चेसले ४६ बलमा ७४ रन बनाए। त्यस क्रममा उनले ९ चौका र २ छक्का प्रहार गरे।
त्यस्तै ओपनर एलिक एथनेजले २५ बलमा ४७ रन बनाए। त्यस क्रममा उनले ५ चौका र ३ छक्का प्रहार गरे।
किची कार्टीले २६ बलमा २ चौका र ३ छक्का प्रहार गरी ३८ रन जोडे। आन्द्रे फ्लेचरले १३ रनको योगदान गर्दा कादिम एलेन १४ रन बनाएर नट आउट रहे।
बलिङतर्फ नेपालका कमलसिंह ऐरीले, दिपेन्द्रसिंह ऐरी, रोहित पौडेल र अभिनाश बोहराले एक/एक विकेट लिए।
