जयकुमार नाथ शाह मेमोरियल यू-१६ अन्तर स्कुल क्रिकेट प्रतियोगितामा शैनिक आवासीय महाविद्यालय र आलोक विद्याश्रम स्कुलले शुक्रबार जित हात पारेका छन्।
काठमाडौं जिल्ला क्रिकेट संघको आयोजनामा मुलपानीमा भइरहेको प्रतियोगितामा शैनिकले रेडियन्ट रिडर्स स्कुललाई १० विकेटको फराकिलो अन्तरले पराजित गर्यो।
शैनिकले रियन्टले दिएको ९० रनको लक्ष्य विना विकेटको क्षतिमा १० ओभरमै पूरा गर्यो। उसका लागि रमन गिरीले अर्धशतक (५०) रन प्रहार गरे।
अर्को खेलमा आलोकले ग्यालेक्सी पब्लिक स्कुललाई ५ विकेटले पराजित गर्यो। पहिले ब्याटिङ गरेको ग्यालेक्सीले ९५ रनमा अलआउट भयो।
९६ रनको लक्ष्य आलोकले १८.३ ओभरमा ५ विकेट गुमाएर पार गर्यो।
