वेस्ट इण्डिजविरूद्धको टी-२० सिरिजको अन्तिम खेलमा अनिल साहले अर्धशतक प्रहार गरेका छन्।
त्रिवि मैदानमा जितका लागि १७३ रनको लक्ष्य पछ्याउने क्रममा अनिलले १५.१ ओभरमा छक्का प्रहार गर्दै अर्धशतक पूरा गरेका हुन्।
४१ बलमा अर्धशत पूरा गरेका उनले ४ चौका र तीन छक्का हाने।
१७ औं ओभरको दोस्रो बलमा आउट हुनुअघि अनिलले कुल ५८ रन जोडे भने चार छक्का प्रहार गरे।
सिरिजको यसअघिका खेलमा अनिलको प्रस्तुत सन्तोषजनक हुन सकेको थिएन। आजको खेलमा भने उनले टिमलाई जिततर्फ उन्मुख गराए।
त्यसअघि ओपनर आशिफ शेख पनि अर्धशतक पूरा गरी आउट भएका थिए।
अनिल साहको विकेटपछि दीपेन्द्रसिंह ऐरी ब्याटिङमा आएका छन्।
