आइसिसी टी-२० विश्वकपमा अष्ट्रेलियाले नामिबियालाई ७२ रनमा अल आउट गरेको छ।
बुधबार बिहान जारी खेलमा पहिले ब्याटिङ गरेको नामिबियालाई अष्ट्रेलियाले १७ ओभरमा अल आउट गर्दै ७२ रनमा समेटेको हो।
अष्ट्रेलियाका लागि एडम जाम्पाले ४ विकेट लिए। जोश हेजलवुड र मार्कस स्टोइनिसले२/२ तथा प्याट कमिन्स र नाथन इलिसले १/१ विकेट लिए।
नामिबियाका लागि कप्तान जेरार्ड इरास्मसले सर्वाधिक ३६ रन बनाए। उनले ४३ बलमा ४ चौका र १ छक्का प्रहार गरै।
ओपनर माइकल भ्यान लिगेनले १० रन जोड्नुबाहेक अन्य ब्याटरले दोहोरो अंकमा रन बनाउन सकेनन्।
आजको खेल जितेको अवस्थामा अष्ट्रेलिया समूहको शीर्ष स्थानमा उक्लिनेछ।
उसले अघिल्ला दुवै खेल जितेको छ।
नामिबियाले १ खेल जितेको छ।
