सहिद स्मारक ए डिभिजन लिगमा मनाङ मर्स्याङ्दी क्लब लगातार दोस्रो खेलमा पराजित भएको छ।
मनाङलाई शनिबार भएको खेलमा जावलाखेल युथ क्लबले ३-० गोलले हरायो। मनाङ अघिल्लो खेलमा सातदोबाटोसँग पराजित भएको थियो।
मनाङको जितमा एनकोटो मासोएबीले चौथो र दोस्रो हाफको इन्जुरी टाइमको चौथो मिनेटमा गोल गरे। यस्तै फो८ फोफनाले दोस्रो हाफको इन्जुरी टाइमको दोस्रो मिनेटमा अर्को गोल गरे।
लिगको अंक तालिकामा ८ खेलबाट १५ अंक जोडेको मनाङ तेस्रो स्थानमा झरेको छ। यता जितसँगै जावलाखेल १७ अंक जोडेर शीर्ष स्थानमा उक्लिएको छ।
यता साविक विजेता मछिन्द्रलाई न्युरोड टिमले एक एक गोलको बराबरीमा रोकेको छ।
मछिन्द्रका ओमोलाजा करिमले ३९ मिनेटमा गोल गरेका थिए। एनआरटीका स्टेफिन जुनियरले ६७ मिनेटमा बराबरी गोल फर्काए।
लिगमा मछिन्द्र १३ अंक जोडेर छैटौं स्थानमा छ भने एनआरटी ७ अंक जोडेर १२औं स्थानमा छ।
