एसियाली फुटबल महासंघ (एएफसी) र एएफसी एसियन कप कतार २०२३ स्थानीय आयोजक समितिले उद्घाटन खेल र फाइनल खेलिने भेन्यू पक्का गरेको छ।
हालै फिफा विश्वकप कतार २०२२ को फाइनल खेलिएको प्रतिष्ठित लुसेल स्टेडियममा शुक्रबार, १२ जनवरी, २०२४ मा समूह ‘ए’ मा डिफेन्डिङ च्याम्पियन कतार र लेबनानबीचको उद्घाट खेल हुनेछ।
लुसेलमै शनिबार, १० फेब्रुअरी, २०२४ बेलुका ६ बजे फाइनल खेल हुनेछ।
८८ हजार दर्शक क्षमता भएको लुसेल स्टेडियम तेहरानको आर्यमेहर स्टेडियम पछि एएफसी एसियन कप इतिहासको सबैभन्दा ठूलो खेल स्थल मध्ये एक हुनेछ। ८८ हजार क्षमताकै जकार्ताको गेलोरा बुङ कर्नो स्टेडियमले २००७ मा सात खेलहरू आयोजना गरेको थियो।
एसियन कपमा बाँकी खेलहरू अन्य आठ स्टेडियमहरूमा हुनेछन्।
