नेपाली राष्ट्रिय फुटबल टिमका मिडफिल्डर एरिक विष्ट भारतीय क्लब सिलोङ लाजोङ फुटबल क्लबमा आबद्ध भएका छन्।
उनले क्लबसँग आबद्ध भएर प्रशिक्षण समेत थालेको सामाजिक सञ्जालमार्फत जनाकारी दिएका छन्।
मेघालय राज्यको सिलोङ लाजोङ नर्थ एस्ट भारतको चर्चित क्लब मध्ये एक हो।
क्लबले हाल भारतको दोस्रो डिभिजनको क्लब आइ-लिग २ खेलिरहेको छ।
अप्रिलसम्म चल्ने लिगमा हाल सिलोङ पाँचौ स्थानमा छ। लिग बाहेक क्लबले हाल सुपर कप पनि खेलिरहेको छ। सुपर कपमा सिलोङले शनिबार जाम्सेदपुरसँग खेल्दैछ।
सिलोङबाट यसअघि नेपालका पूर्वकप्तान अनिल गुरुङले पनि आइ लिग खेलेका थिए।
