अफ्रिकाको सबैभन्दा ठूलो फुटबल प्रतियोगिता अफ्रिका कप अफ नेसन्समा इजिप्ट अन्तिम १६ मा पुगेको छ।
मंगलबार राति केप भार्डसँग २-२ गोलको बराबरी खेले पनि इजिप्ट समूह 'बी' मा दोस्रो हुँदै अन्तिम १६ मा पुगेको छ।
केप भार्ड भने समूह विजेता बनेर अन्तिम १६ मा पुग्यो।
यो समूहमा घाना भने बाहिरिने खतरा बढेको छ। घानाले दोस्रो हाफको इन्जुरी समयमा मोजाम्बिकविरूद्ध दुई गोल खादा २-२ को बारबरीमा रोकिन बाध्य भयो।
अब घानाका लागि उत्कृष्ट तेस्रो टिम हुने अवसर बाँकी छ। तर उत्कृष्ट तेस्रो टिमको वरीयतामा घाना शीर्ष चारमा छैन।
यता आयोजक आइभरी कोस्ट पनि बाहिरिने खतरा छ। मंगलबार राति इक्वाटोरियल गिनीसँग ४-० ले पराजित भएपछि आइभरी कोस्ट समूह तेस्रो भयो। समूहबाट गिन र नाइजेरिया विजेता र उपविजेता बनेर अन्तिम १६ मा पुगे।
अब उत्कृष्ट तेस्रो टिमबाट अन्तिम १६ मा पुग्ने अवसर आइभरी कोस्टलाई बाँकी छ।
